9 aprel 2025-ci il tarixində Azərbaycan Respublikasının Oman Sultanlığındakı fövqəladə və səlahiyyətli səfiri Rəşad İsmayılov bu ölkənin tanınmış siyasi analitiki və bloqeri Ali Al Maşani ilə görüşüb
Görüş siyasi bloqerin ölkəmiz haqqında məlumatlandırılması və sosial media vasitəsilə Azərbaycanın mədəni, tarixi dəyərlərinin, həmçinin turizm imkanlarının tanıdılması məqsədilə təşkil olunub. Görüş zamanı həmçinin qonağa Qarabağ münaqişəsinin tarixi və hüquqi aspektləri barədə ətraflı məlumat verilib, mövcud vəziyyət izah olunub və bununla bağlı müvafiq materiallar təqdim edilib.
